Megjithëse në shumë raste ka kontradikta për aspekte të ndryshme të dietës tonë, kripa e detit hyn në artikujt që duhet të konsumohen përditë nga njeriu për të ruajtur nivelet e mineraleve dhe ruajtur hidratimin në trup.
Kripa ka luajtur rol parësor që prej lashtësisë madje dikur përdorej dhe në vend të valutës, edhe pse çuditërisht dekadat e fundit është demonizuar nga stabilimenti që preferon produktet e korporatave të mëdha.
Idea se një dietë me kripë të pakët është e mirë me njeriun, është bazuar në një shkencë të gabuar, shkruan rrjeti mjekësor Drstevenlin.
Trupi ka nevojë për mineralet e shumta e të domosdoshme të kripës ndërsa pretendimet se ajo ndikon në rritjen e tensionit të gjakut te njeriu, nuk janë provuar kurrë.
Por një dallim duhet të bëhet mes kripës industriale dhe asaj të papërpunuar, pasi e para rezulton e zhveshur nga mineralet e rëndësishme dhe ndoshta e kontaminuar me shtesa kimike që mund të ndikojnë negativisht në shëndet.
Kripa luan rol parësor në absorbimin e ujit nga qelizat e trupit të njeriu duke reduktuar dehidratimin që shkakton shumë probleme kronike te njeriu.
Shenjat e mungesës së kripës në dietë janë pikërisht reduktimi i hidratimit, veçanërisht te atletët, ngërçe të muskujve, dhembje koke e rrezik të atakut kardiak.
Më parë mjekësia pretendonte se trupi i njeriut nuk mund të rregullojë saktësisht nivelin e tij të kripës, duke besuar se nëse konsumon më shumë kripë, bëhesh më i etur.
Por gjithnjë e më shumë studimet po zbulojnë se në fakt konsumi i kripës shton masën e rezervuar të ujit në trup, duke e bërë atë më pak të etur.
Kjo do të thotë se trupi i jep prioritet niveleve të kripës, çka përmirëson metabolizmin në mënyrë pozitive.
Katër tipet kryesore të kripës janë kripa e përpunuar për konsum e tavolinës, kripa e detit, kripa shkembore e Himalajeve, dhe kripa e zezë Keltike e mbledhur në veriperëndim të Francës.
Çdo kripë natyrale është stimuluese e mirëqenies, përveç kripës së tavolinës është e përpunuar dhe e mbetur vetëm me klorur natriumi.
Të gjitha kripërat natyrale janë të kompletuara me rreth 70-80 minerale të ndryshme, thelbësore për mirëqenien tonë.
Kripërat e detit përmbajnë jod, përkundër ‘kripës së jodizuar’ komerciale që mban versione me vlera të ulëta të jodit.
Mineralet e kripës natyrale shkëmbore ose të detit ndihmojnë shumë funksione trupore si ato muskulore, rregullojnë nivelin e sheqerit në gjak dhe krijojnë një balancë të shëndetshme pH në qelizat e trupit, duke ruajtur gjendjen alkalike (bazë) të tyre dhe reduktuar aciditetin që shkakton inflamacion.
Kripa keltike nga Bretagna e Francës konsiderohet nga më natyralet pasi mblidhet nga vaskat e thara të ujit të detit me metodat tradicionale, dhe ka nje numër me te madh mineralesh.
