Mediat greke raportojnë sot se 30-vjeçar shqiptar ka humbur jetën pas një aksidenti të rëndë në veri të Greqisë. Ngjarja ka ndodhur në Tagarades të komunës Thermi të Selanikut.
Rreth orës 01.00 pas mesnate, mjeti i drejtuar nga 30-vjecari shqiptar, ende i paidentifikuar publikisht, ka dalë nga rruga dhe është përplasur me një pemë. Në vendngjarje mbërritën policia dhe ambulanca si dhe dy mjete zjarrfikëse.
Katër efektivët e zjarrfikëses kanë nxjerrë nga automjeti të riun shqiptar, i cili tragjikisht kishte ndërruar jetë në vend. Policia tha se po vijon hetimet për përcaktimin e shkaqeve të ngjarjes.
