Avokati Gjovalin Ulndreaj ka humbur jetën sot, pasi është ndjerë keq papritur gjatë një seance gjyqësore në Gjykatën e Tiranës.
Sipas njoftimit të dhënë për media, avokati Ulndreaj u dërgua me urgjencë në spital por mjekët nuk mundën ta shpëtonin.
I ndjeri Ulndreaj ishte në rolin e mbrojtësit për një çështje penale kur nisi të ndjehej keq, siç dyshohet nga problemet me zemrën.
Seanca ishte ndërprerë shpejt dhe personat e pranishëm tentuan t’i jepnin atij ndihmë të shpejtë deri në mbërritjen e ambulancës.
Por pas komunikimit me familjarët e avokatit, u bë me dije lajmi shokues se avokati kishte ndërruar jetë në ambientet e spitalit.
Njoftimi i gjykatës:
"Sot në datë 28.01.2025, rreth orës 12:00, në një prej sallave të gjykimit të Gjykatës së Apelit të Juridiksionit të Përgjithshëm, po zhvillohej një gjykim penal ku merrte pjesë në cilësinë e mbrojtësit edhe avokati z. Gjovalin Ulndreaj, anëtar i Dhomës së Avokatëve Shkodër.
Gjatë zhvillimit të gjykimit, avokati ka shfaqur probleme serioze shëndetësore, duke sjellë ndërprerjen e menjëhershëm të procesit dhe dhënien e ndihmës së parë nga personat e pranishëm, deri në mbërritjen e shërbimit të Urgjencës QSUNT Tiranë.
Në vijim të komunikimit me familjarët e avokatit, u bë me dije se, fatkeqësisht avokati kishte ndërruar jetë në ambientet e spitalit."
