Një aksident tragjik ndodhi sot në aksin rrugor “Shkodër-Koplik,” ku një 84-vjeçar humbi jetën pas përplasjes me një automjet të drejtuar nga një 28-vjeçar.
Sipas raportimeve, i riu Klevis Duka ka humbur kontrollin mbi automjetin e tij, çka ka çuar në përplasjen me motomjetin që drejtohej nga Berhan Triepshi.
Pavarësisht përpjekjeve për t’i shpëtuar jetën, i moshuari ndërroi jetë në spital si pasojë e plagëve të rënda. Ndërkohë, drejtuesi i automjetit është marrë në pyetje nga autoritetet për të sqaruar rrethanat e ngjarjes.
