Kryeministri serb Millosh Vuçeviç ka dhënë dorëheqjen ditën e sotme pas disa muajsh protestash që shpërthyen si pasojë e një ngjarjeje tragjike në nëntor, ku shembja e një tende shkaktoi vdekjen e 15 personave.
Dorëheqja e tij erdhi një ditë pas deklaratës së presidentit Aleksandar Vuçiç, i cili njoftoi se po punonin për një "rindërtim urgjent dhe të gjerë të qeverisë" pas kërkesave të paraqitura nga studentët që ishin në grevë në universitetin e Serbisë.
Megjithatë, Vuçeviç tha se ai u nxit të jepte dorëheqjen të martën në mëngjes pasi pa raportime për sulme kundër studentëve protestues në qytetin verior dhe kryeqytetin rajonal të Novi Sadit.
"Qeveria duhet të tregojë nivelin më të lartë të përgjegjësisë.Për të mos ngritur më tej tensionet në shoqëri, mora vendimin që sapo shpalla”.
Të hënën, demonstruesit filluan një bllokadë 24-orëshe në kryeqytetin Beograd, duke rritur presionin mbi autoritetet. Fermerët serbë me traktorë dhe mijëra qytetarë iu bashkuan bllokadës që pasoi protesta javësh duke kërkuar përgjegjësi për aksidentin vdekjeprurës në Novi Sad, të cilin kritikët e kanë fajësuar për korrupsionin e shfrenuar të qeverisë.
