Një qytetar i Tiranës ka denocuar sot në redaksinë e JOQ paaftësinë dhe mungesën e korrektësisë së postave private shqiptare ‘Albanian Courier’ në dërgimin e porosive të internetit, teksa u kërkojnë marrësve të paraqiten në vendndodhje larg destinacionit të parashikuar.
Në mesazhet e këmbyera qytetari dëshmon sesi postat i kërkojnë të paraqitet Shkozë për të marrë porosinë që duhet të ishte dërguar në adresën e tij në lagjen Ali Demi, si dhe mungesën e komunikimit apo të sqarimeve për shërbimin ndaj klientit.
Mesazhi i qytetarit:
“Prsh joq doja te denoncoja albanian courier per talljet qe bejn me porosit tona nga ali Express. Ngelen duke na i cuar porosit sa ne nje cep ne tjetrin. Dhe nuk japin as përgjigje”
Prej muajsh shqiptarët që bëjnë blerje online përmes internetit përballen me kaos për marrjen e porosive.
Disa herë ata kanë raportuar për JOQ ALBANIA se pakot e tyre nuk dërgohen më te Posta Shqiptare por te kompania shqiptare Albanian Courier ku pakot humbasin ditë tëra para dërgimit dhe u shtohen tarifa të tjera për të paguar.
Blerësit flasin për shërbim të ngadaltë dhe tarifa për magazinimin e pakove, për shembull 27$ për një pako me vlerë 20$ dhe taksat doganore nga shteti e kompania.
