Bashkëpunëtor në ngjarjen e Astirit, çfarë e tradhtoi 36-vjeçarin që u kap sot

Shkruar nga: Selma Hilaj | Publikuar më: 26.01.2025, 15:45

Një gjurmë papilare, e gjetur në banesën ku ishte mbajtur e mbyllur 21-vjeçarja Sajma Qordja, ka zbuluar identitetin e Ermal Binjakut, i cili ndodhej në listën e personave të kërkuar që nga 9 janari. Sipas policisë, Binjaku u arrestua pasi akuzohet për heqjen e lirisë së 21-vjeçares, e cila u mbyll në banesën ku një grup prej tre vajzash dhe gjashtë të rinjsh kishin festuar me drogë dhe alkool. Pasi u larguan, ata e lanë të mbyllur një nga vajzat.

Emri i Binjakut nuk u bë i njohur nga policia, ndërsa 21-vjeçarja aktivizoi RENEA-n dhe autoritetet, duke denoncuar se ishte rrëmbyer dhe duke kërkuar ndihmë, ndërsa ishte në gjendje halucinante. Gjatë hetimeve, konfirmimet e policisë shkencore vërtetuan se gjurma papilare e gjetur në vendngjarje i përkiste Binjakut, i cili ndodhej në të njëjtën festë me të dyshuarit e tjerë: Joni Sadikaj, Skerdi Sina, Ogert Alia, Arnold Jaho dhe Anduel Alia.

Binjaku u arrestua në zonën e Laprakës gjatë një kontrolli të automjeteve nga patrullat e policisë. Hetimet zbuluan se grupi i rinisë ishte bashkuar në një banesë në zonën e Astirit, të siguruar përmes platformës "Booking". Festimi u shkallëzua në panik kur 21-vjeçarja pësoi kriza emocionale, dhe kur policia ndërhyri, ajo u gjet në një gjendje të rëndë. Gjatë kontrollit në banesë, u gjetën armë dhe pjata me mbetje kokaine. Dëshmitë e tre vajzave dhe rrëfimi i 21-vjeçares po mbështesin hetimet, duke treguar se si djemtë kishin frikësuar vajzën me armë gjatë festës.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit