Tre automjete që ndodheshin në garazhin e kompleksit 'Kika' u shkrumbuan nga flakët, të cilat u vunë nën kontroll nga zjarrfikësit.
Një ditë pas zjarrit, dëmet në pallat dhe garazh jane tepër të mëdha.
Banorët e këtij kompleksi janë tepër të shqetësuar pasi në një zonë ku çmimi për metër katror arrin mbi 2500 euro m/2, ky incident ka vënë në qendër të vëmendjes sigurinë e banesave.
Flakët kanë nxjerrë zbuluar një realitet të hidhur: pas fasadës luksoze dhe çmimeve të fryra, qëndron një standard ndërtimi që shpesh duket më i përshtatshëm për letra sesa për beton të fortë.
Por jo vetën kaq pasi flakët u përhapën me shpejtësi në të gjithë ndërtesën, duke treguar qartazi mungesën e masave të duhura kundër zjarrit. Disa apartamente u dëmtuan rëndë, ndërsa banorët u evakuuan në panik. Për fat të mirë, nuk pati viktima, por dëmet materiale janë të konsiderueshme.
