​Theret një 23-vjeçar në Ferizaj

Shkruar nga: B Hasi | Publikuar më: 25.01.2025, 22:12

Një person i moshës 23-vjeçar, nën rrethana ende të pasqaruara, ka pësuar lëndime trupore nga therja me thikë në Ferizaj.

Zëdhënësi i policisë rajonale në Ferizaj, Kanun Veseli, ka konfirmuar se rasti ka ndodhur rreth orës 17:00, në rrugën “12 Qershori”.

“Në vendin e ngjarjes kanë dalë patrullat dhe hetuesit e stacionit policor të Ferizajt, ndërsa më pas janë angazhuar edhe hetuesit dhe krim-teknikët rajonalë. Nga hetimet fillestare është konstatuar se, në rrethana ende të paqarta, ka mbetur i lënduar një person, mashkull, rreth 23-vjeç”, ka thënë ai.

Personi i lënduar është dërguar në Qendrën Emergjente në Ferizaj për ndihmë mjekësore, prej nga është transportuar në QKUK në Prishtinë për trajtim të mëtejshëm.

“Për të gjitha veprimet e nevojshme policore është njoftuar prokurori i shtetit”, ka thënë Veseli.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit