Në portin e Selanikut, inspektorët grekë kanë sekuestruar 25 kilogramë kokainë.
Sipas mediave lokale, droga ishte fshehur në një kontejner me banane që kishte ardhur nga Ekuadori drejt Selanikut. Gjatë kontrolleve rutinë, inspektorët e AADE-së nga Dogana e Parë e Selanikut zbuluan substancën narkotike përmes përdorimit të një pajisjeje rreze X vetëlëvizëse. Kokaina ishte fshehur në pjesët frigoriferike të kontejnerit me banane të freskëta.
Menjëherë pas zbulimit, inspektorët doganorë, në bashkëpunim me policinë greke, sekuestruan lëndën narkotike dhe informuan Prokurorinë për veprimet e mëtejshme.