Një denoncim i vrazhdë ka ardhur në redaksinë e JOQ ku qytetarët vënë në dukje degradimin e tualeteve publike në Parkun e Madh të Liqenit Artificial në kryeqytet.
Në pamje shihet që ujërat e zeza tualetit publik buzë liqenit, kanë rrjedhur në kanalin anës rrugës pedonale, duke mbushur me erë të rëndë zonën e shëtitores.
"Tualeti i lali Erit tek liqeni, te gjitha fekalet e nxjerrura perjashta mbi toke. Nje ere e pa përballueshme”, shkruan qytetari, i zemëruar për gjendjen e neglizhuar të ambjenteve.
Parku i Liqenit Artificial është e vetmja hapësirë e gjelbër e mbetur në kryeqytetin e mbipopulluar shqiptar, ku njerëzit mundohen të gjejnë pak qetësi nga zhurma dhe betoni i lagjeve të Tiranës.
Por ashtu si në xhunglën e rrugëve e pallateve në qytet edhe këtu ata i ndjekin shenjat e paaftësisë e papërgjegjësisë së zyrtarëve që duket se harrojnë se janë zgjedhur për t’i shërbyer popullit.
