Ndihmuan prindërit tij e moshuar në aeroport, i riu falenderon djemtë nga Kruja

Një qytetar ka dërguar një mesazh në redaksinë e JOQ Albania për të shprehur mirënjohjen e tij ndaj disa djemve nga Kruja që kanë ndihmuar prindërit e tij të moshuar në aeroportin e Eindhoven-it sot.

Në mesazhin e tij, qytetari tregon për vështirësitë që hasën prindërit e tij në aeroport për shkak të një problemi me çantat e tyre, të cilat nuk u lejuan nga stjuardesat për t’u marrë në bord.

Sipas tij, situata ishte mjaft e sikletshme deri në momentin kur disa të rinj nga Kruja ndërhynë dhe i ndihmuan prindërit që të kalonin këtë pengesë.

Mesazhi i plotë i qytetarit:

JOQ, përshëndetje! Nëse është e mundur, doja të përshëndes dhe të falënderoj disa djem nga Kruja sepse më kanë ndihmuar prindërit në aeroportin e Eindhoven-it sot. Faleminderit. Përcolla për Shqipëri prindërit e mi të moshuar. Stjuardesat nuk i kanë lënë çantat sepse kur vjen nuk të thonë gjë e kur kthehesh nuk të lënë. Jo është çantë e madhe, jo e vogël. Me çantë sporti shpine bëjnë fjalë. I kanë parë në siklet këto çunat dhe i kanë ndihmuar t’i kalojnë. Thjesht doja t’i falënderoja, e nuk kam se si.”

Një falënderim i veçantë për këta djem që treguan solidaritet dhe humanizëm, duke ndihmuar çiftin e të moshuarve në një moment nevoje. Gjestet e vogla të mirësisë si këto duhet të vlerësohen dhe të na frymëzojnë të gjithëve për të ndihmuar njëri-tjetrin!