Në mes të dimrit të ashpër, ku termometri shënon -7 gradë Celsius, një elektricist 61-vjeçar nga zona e Germenjit, i quajtur Përparim, ka marrë përsipër një detyrë të jashtëzakonshme.
Ai është ngjitur në një shtyllë tensioni të lartë për të zgjidhur problemet me energjinë elektrike, duke vënë jetën e tij në rrezik për të siguruar që banorët të mos mbeten në errësirë.
Një qytetar nga zona, i impresionuar nga përkushtimi dhe guximi i Përparimit, ka dërguar një video në redaksinë e JOQ Albania, duke e quajtur atë "hero".
Në mesazhin e tij, qytetari shprehet:
"Zona e Germenjit në Ersekë kishte probleme me dritat. Elektricisti hero Përparimi ngjitet në -7°C për t'ju ardhur në ndihmë banorëve. Ai ve jetën e tij në rrezik për t’u dhuruar njerëzve një copëz dritë."
Ky akt vjen si një kujtesë e fuqishme e përkushtimit të individëve që, pavarësisht kushteve ekstreme, përpiqen për të mirën e komunitetit. Përparimi është një hero i heshtur i sakrificës dhe humanizmit që shpesh mbeten në hije.