Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni Gucatit, në krye të Organizatës së Veteranëve të Luftës së UÇK-së.
Kandidatë për kryetar të OVL-UÇK-së, ishin Nasim Haradinaj dhe Hysni Gucati. Ky i fundit mori 112 vota, Ndërsa, Nasim Hardinaj 95 vota.
Në një fjalë rasti, Hysni Gucati tha se kandidaturën e tij për kryetar e shpalli për të vazhduar përkushtimin tij në mbrojtje të vlerave të luftës së veteranëve të Ushtrisë Çlirimtare të Kosovës.
Ai u zotua se do të kryej punën me dinjitetin në mbrojtjen e vlerave të luftës së UÇK-së dhe veteranëve të luftës.
