Detaje të reja janë zbardhur nga aksidenti tragjik i ndodhur pasditen e djeshme në Berat, ku një automjet përplasi për vdekje një 30-vjeçare, e cila po kalonte rrugën bashkë me fëmijën e saj 2-vjeçar.
Aksidenti ka ndodhur në zonën e Moravës kur shtetasja Lavdie Gjata po kalonte rrugën me fëmijën në krah. Por në këtë moment është përplasur nga një automjet tip “BMW” që drejtohej nga 25-vjeçari A.Tafa.
Ketë aksident tragjik e ka parë dhe bashkëshorti i 30-vjeçare, i cili ka qenë duke e pritur në krahun tjetër të rrugës Lavdie Gjatën, së bashku me djalin e tyre.
Kur ambulanca ka mbërritur në vendin e ngjarjes, 30-vjeçarja ka qenë pa shenja jete, teksa fatmirësisht fëmija 2-vjeçar ka shpëtuar dhe nuk ka asnjë rrezik shëndetësor për jetën e tij.
Shoferi 25-vjeçar A.Tafa është shoqëruar në komisariat pas ngjarjes pasi dyshohet se ka qenë nën efektin e alkoolit.
