Një aksident tragjik ka ndodhur në Aeroportin e Vlorës.
Një shofer kamioni, 60-vjeç ka humbur jetën pasi është përplasur nga një fadromë. Punëtori me origjinë nga Dibra nuk ka mundur t’u mbijetojë dëmtimevr te marra dhe ka ndërruar jetë.
Drejtuesi i fadromës, 63-vjeçari me iniciale Rr.S nga Prishtina është arrestuar dhe po mbahet nën hetim për rrethanat e aksidentit.
Ndërkohë që Policia ka nisur hetimet për të sqaruar shkaqet e ngjarjes në kantierin e kompanise 'Mabco Constructions SA' e oligarkut nga Kosova, Behgjet Pacolli.
Njoftimi i policisë:
Specialistët për Hetimin e Krimeve në Komisariatin e Policisë Vlorë arrestuan shtetasin Rr. S., 63 vjeç, banues në Prishtinë, Kosovë, pasi dyshohet se më datë 17.01.2025, rreth orës 21:20, në kantierin e ndërtimit të Aeroportit të Vlorës, duke drejtuar një fadromë, ka humbur kontrollin mbi drejtimin e saj dhe ka përplasur një trajler. Si pasojë, drejtuesi i trajlerit, shtetasi N. Xh., 60 vjeç, banues në Dibër, ka humbur jetën.
