Një zjarr ka rënë në një banesë në lagjen “11 Nëntori” pranë konviktit në Elbasan. Në momentin e rënies së zjarrit, brenda apartamentit ndodhej një person me aftësi ndryshe.
Fatmirësisht, ai është nxjerrë në kohë nga banesa dhe është transportuar menjëherë në spital për të marrë ndihmën e nevojshme mjekësore.
Ndërkohë, autoritetet dhe ekipet zjarrfikëse kanë ndërhyrë në vendngjarje për të shuar flakët. Puna për shuarjen e zjarrit ka vijuar me intensitet dhe zjarri tashmë është vendosur nën kontroll.
