Moderatori shqiptar nga Kosova Shpëtim Desku është përballur me një të papritur gjatë emisionit të tij.
Ai ka patur të ftuar disa këngëtarë, por papritur një grua i hyn në studio në fund të emisionit dhe tregon hallin e saj.
Para mbylljes së emisionit, regjia njofton moderatorin se një person do të flasë para kamerave. Bëhet fjalë për një nënë që dëshiron t’ia dhurojë veshkën vajzës së saj, Elmedina Bellopoja nga Vushtrria, por që nuk kanë të ardhura financiare për ta mbuluar operimin. Ajo bëri thirrje mes lotësh për ndihmë, në mënyrë që të realizojnë transplantin e veshkës tek 12 vjeçarja.
