Në redaksinë e JOQ Albania ka mbërritur një denoncim shqetësues nga një studente e Universitetit Bujqësor të Tiranës (UBT) që banon në konviktet e Institutit.
Studentja ka ndarë kushtet e rënda dhe të rrezikshme me të cilat përballen ata, sidomos në lavanderinë e përbashkët.
Sipas saj, në lavanderinë e konviktit ndodhen vetëm dy lavatriçe dhe një tharëse për të gjithë studentët e shtatë kateve të ndërtesës. Kjo situatë i detyron studentët të presin deri vonë në radhë për të larë rrobat e tyre.
Për më tepër, lavatriçet janë të vjetruara dhe pa dyer. Ajo thekson se për të hapur lavatriçet, studentët janë të detyruar të përdorin kaçavida, çka shpesh rezulton në goditje elektrike.
Në mesazhin e saj, studentja shkruan:
Studentja ka dërguar edhe pamje që tregojnë qartë gjendjen e lavatriçeve në lavanderi dhe mënyrën e rrezikshme të përdorimit të tyre.
Kjo situatë është një pasqyrë e qartë e mungesës së investimeve në konviktet e Institutit të UBT-së.
Pavarësisht ankesave të shumta nga studentët, duket se askush nuk po ndërmerr masa konkrete për të përmirësuar kushtet. Kërkohet reagimi i institucioneve përkatëse për të garantuar sigurinë dhe mirëqenien e studentëve në këto ambiente.