Një ngjarje e rëndë ka ndodhur mesditën e sotme në fshatin Tërnovë e Vogël në Bulqizë.
Vasil Kamberi, 36-vjeç ka humbur jetën pasi është qëlluar me armë gjahu nga i afërmi i tij, Flamur Kamberi.
Ngjarja ka ndodhur në pyllin e fshatit pasi dy të afërmit kishin dalë për gjueti. 36-vjeçari ka mbetur i plagosur, por gjatë transportimit për në spital me helikopter nuk ka mundur t'u mbijetojë plagëve dhe ka ndërruar jetë.
Sa i përket rrethanave të kësaj ngjarje, ato mbeten ende mister. Flamur Kamberi është shoqëruar në polici për veprime të mëtejshme hetimore pasi nuk dihet nëse ngjarja ka qenë aksidentale apo e qëllimshme.