Një plagosje me thikë ka ndodhur ditën e sotme në Shkodër, afër teatrit "Migjeni".
30-vjeçari Ademir Fresku është plagosur nga 50-vjeçari me iniciale Gj.B, shitës fruta-perimesh, për motive ende të paqarta. Fresku është këngëtar dhe ka një lokal në pronësi të tij, pak metra larg vendit ku është plagosur.
Autori i kësaj ngjarje është arrestuar, ndërsa i plagosuri ndodhet në spital jashtë rrezikut për jetën.
Grupi hetimor, në drejtimin e Prokurorisë, po punon për zbardhjen e rrethanave të rastit.
