Një situatë e paprecedentë ka ndodhur sot në Qendrën Spitalore Universitare "Nënë Tereza" (QSUT) në Tiranë, ku ndërprerja e energjisë elektrike ka shkaktuar kaos. Incidenti ka ndodhur në zonën pranë urgjencës, ku një person ka mbetur i bllokuar në ashensor.
Sipas dëshmitarëve, ndërprerja e energjisë ka krijuar shqetësim jo vetëm për pacientët, por edhe për personelin mjekësor që ndodhej në gatishmëri. Ky incident ka ngritur pikëpyetje serioze mbi menaxhimin e situatave emergjente në QSUT, veçanërisht në një institucion të tillë të rëndësishëm shëndetësor.
Autoritetet ende nuk kanë dhënë një reagim zyrtar lidhur me shkakun e ndërprerjes së energjisë dhe masat që do të ndërmerren për të shmangur përsëritjen e situatave të ngjashme.
