Një 25-vjeçare shqiptare është arrestuar në Milano pasditen e së shtunës, pasi tentoi të vidhte mallra me vlerë 7000 euro nga qendra tregtare Rinascente, e cila ndodhet në via Santa Radegonda, afër Duomos.
Alarmi u aktivizua rreth orës 17:00, kur roja e sigurisë ka vënë re vajzën duke u munduar të largohej nga dyqani me rroba dhe çanta që nuk i kishte paguar.
Por menjëherë rojet e kanë ndaluar dhe vetë vajza ka rrëfyer tentativën e saj të vjedhjes.
Për këtë ngjarje, 25-vjeçarja është arrestuar nga policia dhe është akuzuar për vjedhje. Ajo rezulton pa asnjë dënim të mëparshëm.
