Dy persona kanë mbetur të plagosur pas një sherri të ndodhur mbrëmjen e sotme në Tiranë.
Raportohet se dy të plagosurit janë përfshirë në një konflikt midis tyre që ka degraduar në përdorimin e thikës dhe mjeteve të forta.
Sipas të dhënave paraprake, 69-vjeçari Bashkim Demollari ka goditur me sende të forta 45-vjeçarin, Dior Musaraj, ndërsa ky i fundit i është kundërpërgjigjur duke e goditur me thikë.
Ngjarja e rëndë ka ndodhur në rrugën "Ndre Mjeda" gjatë një konflikti të çastit për motive banale.
Demollari dhe Musaraj nuk njiheshin më parë me njëri-tjetrin.
Mësohet se 69-vjeçari ndodhet në spital në gjendje të rëndë shëndetësore, ndërsa Musaraj, gjithashtu i shtruar në spital, gjendet jashtë rrezikut për jetën.
Policia ka nisur hetimet për zbardhjen e plotë të rrethanave të ngjarjes.
