Një biznesmen shqiptar është vrarë me armë zjarri në Itali.
Raportohet se bëhet fjalë për 52-vjeçarin Artan Kaja, trupi i të cilit është gjetur i pajetë në kompaninë Smurfit në Lunata të Italisë.
Ngjarja e rëndë ka ndodhur të martën dhe fillimisht u dyshua për "vdekje natyrale" për shkak të një sëmundjeje, ndërsa pasditen e sotme policia italiane ka arrestuar një shqiptar, i cili dyshohet si autor i vrasjes.
Arma e krimit ende nuk është gjetur nga policia, ndërsa trupi i pajetë i viktimës është gjetur nga gruaja e tij.
Ende nuk dihen rrethanat dhe arsyet e vrasjes së sipërmarrësit 52-vjeçar, i cili ishte pronar i një kompanie paletash në vendin fqinj.
