"Gruaja ime ishte e fiksuar pas xhelozisë, prandaj nga frika për fëmijët e mi, e denoncova në shërbimet sociale, por askush nuk e ndaloi. Unë kurrë nuk kam qenë ekstremist mysliman dhe hetuesit e dinë këtë që pas akuzave të gruas sime që e gjetën duke klonuar telefonin tim."
Kështu ka deklaruar ish-bashkëshorti i 32-vjeçares shqiptare që i dha fund jetës në Itali, duke u hedhur nga kati i katërt i banesës ku jetonte me motrën dhe fëmijët. Në një intervistë për mediat italiane ai ka deklaruar se gruaja e tij varej nga e motra dhe ka mohuar akuzat për dhunë duke shtuar se rrëmbimi i supozuar është rezultat i një keqkuptimi: "Unë dola nga shtëpia duke mbyllur derën i bindur se ajo kishte çelësat për të dalë jashtë".
Menjëherë pas tragjedisë, ish-bashkëshorti shkoi në pallat me ankth për katër fëmijët të cilët për fat të mirë nuk e vunë re se çfarë kishte ndodhur pasi policët sapo kanë hyrë në shtëpi, i kanë bërë të qëndrojnë në një cep të shtëpisë, duke u thënë se kishte rrjedhje uji dhe i kanë larguar fëmijët te i afërmi i tyre.
Më tej, shqiptari që është sipërmarrës në sektorin e ndërtimit në Genova, ka deklaruar se ish-gruaja ishte e fiksuar pas xhelozisë dhe se kontrollonte gjithçka.
“Gruaja ime ishte e fiksuar pas xhelozisë, e kuptova që ishte bërë e rrezikshme kur kontrolloi mesazhet në celular dhe kontaktova me një kliente që vite më parë i kisha uruar për lindjen e fëmijës së saj të parë, ajo e thirri duke e akuzuar se ishte e dashura ime aq shumë sa gruaja më pas ndërpreu çdo marrëdhënie pune me mua. Xhelozia dhe problemet psikologjike të gruas u shtuan me ardhjen në jetë të fëmijës sonë të katërt dhe me faktin se, duke parë që historia jonë kishte mbaruar, kisha nisur një jetë të re me një grua tjetër me të cilën më pas e pata një fëmijë tjetër, kjo e kishte inatosur edhe më shumë. Ajo kontrollonte gjithçka, një herë ma shkatërroi celularin duke e hedhur nga kati i pestë. Ajo ishte e fiksuar pas takimeve me miqtë e mi. Unë shkova të jetoja me vëllain tim, ende në Sampierdarena, dhe fëmijët, siç kisha frikë, mund t'i shihja vetëm me këshillën e gruas sime me të cilën ishte e pamundur të bisedoja për të arritur një marrëveshje për ndarjen".
Burri nuk është në gjendje të shpjegojë arsyen e vetëvrasjes së gruas së tij, edhe pse e di që kohët e fundit ajo kishte shumë probleme dhe nuk ishte në gjendje as të gatuante për fëmijët.
"Miqtë e mi tashmë më thoshin të largohesha nga shtëpia, por unë e dija që nëse do ta bëja, nuk do t'i shihja më fëmijët e mi dhe isha i shqetësuar për ta sepse ajo ishte aq e sëmurë sa nuk përgatiste as ushqim. Ajo nuk ishte duke marrë mjekim edhe pse i kisha raportuar të gjithëve se ajo po shfaqte shenja të një çekuilibri të madh, si në festat e fundit të Krishtlindjeve kur, megjithëse e dinte që fëmijët ishin me mua, ajo thirri policinë duke thënë se fëmijët ishin zhdukur".
Ndërkohë, i pyetur nëse ngjarja ishte e paralajmëruar ai ka deklaruar se në orën 15:30 më 6 janar të këtij viti ka parë një postim të gruas në Facebook që e shqetësoi.
“Kisha ndjesinë se situata po rëndohej sepse dy ditë më parë kisha lexuar një mesazh të saj në Facebook ku ajo thoshte “lutu për mua por që vetëm shpirtrat e pastër të luten” dhe më pas kuptova se mund të ndodhte diçka shumë e rëndë dhe ajo. Mund t'u bënte keq fëmijëve nëse ajo do t'i kishte hedhur fëmijët nga kati i katërt, do kisha vrarë veten edhe unë."
