Një situatë e pakëndshme ka tronditur fshatin Kalamaki mbrëmjen e së martës, kur një 49-vjeçar, pronar i një minimarketi, është përballur me një grabitje të dhunshme. Sipas raportimeve, incidenti ndodhi rreth orës 20:00, kur ai kishte mbyllur dyqanin dhe ishte kthyer në banesën e tij, e cila ndodhet në katin e fundit të pallatit.
Siç rrëfen vetë viktima për protothema.gr, në banesë e priste njëri nga grabitësit, i armatosur me thikë. Vetëm pak çaste më pas, dy bashkëpunëtorët e tij u shfaqën, ku njëri prej tyre mbante një armë zjarri të llojit kallashnikov.
Grabitësit, duke e kërcënuar, e pyetën me ngulm pronarin për vendndodhjen e parave. Pas përgjigjes së tij se nuk kishte para, ata e mbyllën në një nga dhomat e banesës dhe nisën të kontrollojnë shtëpinë. Përfundimisht, ata gjetën një shumë prej 4,000 eurosh dhe më pas u larguan në drejtim të panjohur.
Sipas mediave lokale, bazuar në informacionet e mbledhura nga policia, grabitësit dyshohet të jenë me origjinë shqiptare. Autoritetet po hetojnë ngjarjen dhe janë në kërkim të autorëve.
