Mbajtja e gazrave duket se është një betejë e dështuar, pasi trupi ynë ka mekanizmat e tij për t'i lëshuar ato.
Clare Collins, profesoreshë e dietologjisë dhe ushqimit në Universitetin e Newcastle, shpjegon se mbajtja e gazrave mund të shkaktojë rithithjen e tyre në qarkullimin e gjakut, gjë e cila më pas mund të çojë në largimin e tyre nëpërmjet frymënxjerrjes.
Sipas saj, ky proces ndodh pasi mbajtja e gazrave rrit presionin në zorrë, duke shkaktuar shqetësime dhe fryrje abdominale. Për të lehtësuar këtë situatë, trupi thith gazrat e mbetura, të cilat më pas eliminohen përmes mushkërive.
Për këtë arsye, ekspertja këshillon që të lejohet largimi natyral i gazrave për të parandaluar këtë fenomen të quajtur "frymë me aromë gazrash".
Pavarësisht përpjekjeve tona për t'i kontrolluar, çlirimi i gazrave është një proces natyral i trupit që në fund të fundit do të ndodhë, në një mënyrë apo në një tjetër.
