“Zhurmat nga lokali i drejtorit të DPSHTRR Dibër po na lënë pa gjumë, policia s’merr masa”

Një qytetar ka denoncuar pranë redaksisë së JOQ Albania një rast shqetësues të prishjes së qetësisë publike nga një lokal në qytetin e Dibrës.

Sipas tij, bëhet fjalë për lokalin "Vip Beer 2", i cili është marrë me qira nga drejtori i DPSHTRR Dibër, Spartak Koltraka.

Qytetari thekson se zhurmat dhe bisedat me zë të lartë në këtë lokal janë kthyer në një problem të madh për banorët e zonës, ku shumë prej tyre, përfshirë fëmijë të vegjël dhe të moshuar, nuk mund të flenë gjumë.

Ai ka dërguar edhe një video, e regjistruar në orën 2 të mëngjesit, ku dëgjohen qartë bisedat e zhurmshme të klientëve, ku nuk mungojnë as fjalët banale.

Denoncimi i plotë i qytetarit:

Përshëndetje JOQ! Shikoni çfarë bëhet në lokalin 'Vip Beer 2', i marrë me qira nga Spartak Koltraka, ndërkohë edhe drejtor i DPSHTR. Në këtë lokal nuk ka kurrë qetësi dhe të gjithë banorët janë të shqetësuar. Ka fëmijë të vegjël dhe të moshuar që shpeshherë kanë mbetur pa gjumë. Policia Dibër nuk merr masa dhe nuk përgjigjet operatori. Kjo situatë është regjistruar në orën 2 të natës dhe ka vazhduar edhe më vonë."

Banorët kërkojnë ndërhyrjen e menjëhershme të autoriteteve për të zgjidhur këtë problem që po u prish qetësinë dhe cilësinë e jetës.