Ramazan Mata është 33-vjeçari i vrarë gjatë natës në fshatin Dragoç të Postribës.
Babai i të riut që jetonte në Belgjikë ka deklaruar para policisë se nuk e di arsyen e vrasjes së djalit.
Fatmir Mata shprehet gjithashtu se në dijeninë e tij, Ramazan Mata nuk ka pasur asnjë problem apo konflikt me persona të tjerë dhe se nuk ka qenë aspak person problematik.
“Nuk e di arsyen e vrasjes. Djali im nuk ka pasur asnjë problem me persona të tjerë dhe asnjë konflikt. Ne nuk jemi në dijeni të asnjë konflikti. Djali im është rritur pa bukë dhe me shumë vështirësi. Nuk ka qenë aspak person problematik”, tha i ati i viktimës.
