Zhduket i riu shqiptar në Gjermani, familjarët apel për ndihmë

Një qytetare i është drejtuar redaksisë së JOQ Albania me një apel për të raportuar humbjen e vëllait të saj, Ndriçim Mahmutaj, 27 vjeç.

Ajo kërkon ndihmën e qytetarëve për ta gjetur pasi familjarët kanë humbur kontaktet me të që prej datës 24 dhjetor 2024.

Sipas informacioneve të siguruara nga familjarët, 27-vjeçari është parë për herë të fundit në stacionin e trenit në Langhagen të Hannoverit në Gjermani.

Më poshtë është apeli i plotë i saj:

Përshëndetje JOQ! Uroj të jeni mirë. Nëse më ndihmoni të nxirrni në lajmërim humbjen e një personi. Është vëllai im. Deri në dt. 24.12.24 kemi pasur kontaktin e fundit. Vendodhja e fundit ka qenë në Hannover, Gjermani. Emri i tij është Ndriçim Mahmutaj, 27 vjeç. Ju lutem, publikojeni. Vendi i fundit ku është parë sipas disa të dhënave që na kanë dhënë ka qenë stacioni i trenit në Langenhagen, por me saktësi nuk kemi idenë. Ju lutem kush e ka parë, apo ka informacion për vëllain tim, është i lutur të na kontaktojë në këtë numër: +355 69 695 7596.”

Familjarët dhe të afërmit janë të shqetësuar dhe kërkojnë ndihmën e çdo personi që mund të ketë informacion për vendndodhjen e Ndriçimit.

JOQ Albania ju bën thirrje të gjithë shqiptarëve që ndodhen në Gjermani dhe në zonën e Hannoverit, kontaktojnë menjëherë me familjen Mahmutaj nëse kanë ndonjë informacion mbi 27-vjeçarin.