Një çift shekullor në Angli ka festuar përvjetorin e 81-të të martesës së tyre. Dorothy Walter, 103 vjeç, dhe Tim Walter, 102 vjeç, u njohën si 18-vjeçarë gjatë Luftës së Dytë Botërore, ndërsa punonin në një fabrikë avionësh në Southampton.
Ata u martuan në moshën 21-vjeçare dhe tani jetojnë së bashku në një shtëpi për kujdes të të moshuarve në Wingham, Kent.
Sipas çiftit, sekreti i martesës së tyre të gjatë dhe të suksesshme është fakti që “kurrë nuk grinden”.
Z. Walter tha: “Jemi lumturuar gjithmonë bashkë, gjithmonë të lumtur. Në mbrëmje shkoja me biçikletë për ta takuar.”
Ndërkohë, znj. Walter shtoi: “Ka kaluar shumë kohë. Thjesht u pëlqyem menjëherë. Ai më ftoi në kinema dhe kaq ishte. Ne biem dakord, diskutojmë, por nuk grindemi kurrë.”
Ajo përfundoi duke thënë: “Nuk mund ta besojmë që kanë kaluar 81 vite.”
Pas Luftës, çifti u vendos në Elmstone, ku kaluan 32 vite si fermerë dhe gjithashtu udhëtuan nëpër Evropë me varkë.
Ata jetuan në shtëpinë e tyre deri në moshën 101-vjeçare, para se të zhvendoseshin në një shtëpi kujdesi për të moshuarit në vitin 2022. Çifti ka dy vajza, dy nipër dhe mbesa, si dhe tre stërnipër e mbesa.
