Një aksident i rëndë ka ndodhur pasditen e sotme në Vaun e Dejës, ku dy persona kanë humbur jetën dhe një tjetër është në gjendje të rëndë.
Sipas informacioneve, viktimat janë Ndue Prenga dhe Ndrekë Prenga, xhaxha dhe nip.
Aksidenti ka ndodhur në segmentin Mjedë – Kryebushat, dhe forcat e policisë janë në vendin e ngjarjes, duke punuar për të zbardhur shkaqet dhe rrethanat e këtij incidenti tragjik.
Vau Dejës/Informacion paraprak
Rreth orës 17:00, në fshatin Mjedë, shtetasi G.B, duke drejtuar automjetin tip "Mercedes Benz", ka humbur kontrollin mbi drejtimin e automjetit dhe për pasojë automjeti ka dalur nga rruga, duke ka përplasur dy këmbësorët, shtetasin N. P., 63 vjeç, i cili si pasojë e përplasjes ka humbur jetën në vendngjarje dhe shtetasin N. P., 43 vjeç., i cili ka humbur jetën gjatë transportimit për në Spital.
Nga përplasja është dëmtuar dhe drejtuesi i automjetit, shtetasi G. B., i cili ndodhet në Spital, për ndihmë mjeksore, i shoqëruar nga efektivë të Policisë, pasi pas marrjes së ndihmës mjeksore do shoqërohet në Komisariat për veprime të mëtejshme.
Grupi hetimor po punon për sqarimin e plotë të rrethanave dhe shkakut të aksidentit.
