Një ngjarje e rëndë ka tronditur qytetin e Fierit, ku një grua 34-vjeçare ka tentuar të hidhet nga ballkoni pas dhunës dhe kërcënimeve të ushtruara nga bashkëjetuesi i saj.
Incidenti ka ndodhur në lagjen "Afrim i Ri". Sipas burimeve, 45-vjeçari me inicialet A. Y. dyshohet se ka ushtruar dhunë fizike dhe ka kërcënuar gruan me një mjet prerës. E tmerruar nga situata, gruaja ka marrë vendimin ekstrem për të tentuar vetëvrasjen duke u hedhur nga ballkoni.
Fatmirësisht, ajo është dërguar në spital dhe ndodhet jashtë rrezikut për jetën, nën kujdesin e mjekëve.
Policia e Fierit ka nisur hetimet për këtë rast dhe ka shpallur në kërkim 45-vjeçarin. Materialet janë referuar Prokurorisë për veprime të mëtejshme.
