Një fëmijë ka pësuar një dëmtim serioz në sy si pasojë e shpërthimit të një kapsolle.
I mituri u transportua me urgjencë në Spitalin e Elbasanit, ku pas ekzaminimeve fillestare u konstatua një dëmtim i rëndë në kanalin e lotit. Për të marrë trajtim të specializuar, ai u transferua në Tiranë.
Vetëm një ditë më parë, Shefi i Urgjencës në Elbasan u bëri apel prindërve që të jenë të kujdesshëm me fëmijët gjatë përdorimit të mjeteve piroteknike.
