Gratë me flokë të kuqe natyrale jo vetëm që dallohen nga pamja e tyre e veçantë, por duket se mbajnë disa sekrete të tjera që i bëjnë unike.
Sipas një sërë studimesh, flokët e kuqe nuk janë thjesht një tipar estetik, por lidhen edhe me dallime të rëndësishme në mënyrën se si këto gra përjetojnë dhimbjen dhe kënaqësinë.
Profesorja Irene Tracey, zëvendës-kancelare e Universitetit të Oksfordit dhe e njohur si "Mbretëresha e Dhimbjes", ka shpjeguar se gratë me flokë të kuqe kanë një tolerancë dhe ndjeshmëri të ndryshme ndaj dhimbjes krahasuar me gratë me ngjyra të tjera flokësh.
Duke folur në një episod të programit Today në Radio 4, ajo theksoi:
"Dhimbja është subjektive, është një përvojë private që nuk mund ta objektivizosh plotësisht... qëllimi i madh është të eliminojmë atë që quajmë dhimbje të keqe, dhimbje kronike, dhe ta trajtojmë në nivelin e duhur për të hequr vuajtjen."
Por çfarë e bën të veçantë dhimbjen dhe kënaqësinë për gratë me flokë të kuqe? Studimet kanë treguar se gjenetika luan një rol kyç. Rreth 2% e popullsisë botërore ka gjenin MC1R, i cili lidhet me ngjyrën e veçantë të flokëve dhe ndjeshmërinë ndaj prekjes.
Një studim nga Universiteti McGill zbuloi se gratë me flokë të kuqe mund të tolerojnë deri në 25% më shumë dhimbje sesa ato me ngjyra të tjera flokësh. Ndërkohë, një studim tjetër nga Universiteti i Oslos raportoi se ato ndjejnë më pak dhimbje kur shpohen me gjilpërë.
Por surprizat nuk mbarojnë këtu. Përtej tolerancës ndaj dhimbjes, gratë me flokë të kuqe duket se përjetojnë kënaqësinë në një nivel tjetër. Një studim nga Universiteti i Hamburgut zbuloi se ato kanë shkallën më të lartë të orgazmave ndër të gjitha ngjyrat e flokëve, me një përqindje prej 41%. Gjithashtu, ato raportojnë se kanë më shumë marrëdhënie seksuale sesa gratë me ngjyra të tjera flokësh.
Profesori Dr. Werner Habermehl e përmbledh këtë me një fjali: "Hulumtimet tregojnë se gratë me flokë të kuqe e mbajnë me meritë reputacionin e tyre të zjarrtë."
Me sa duket, flokët e kuqe nuk janë thjesht një ngjyrë, por një botë më vete, që sjell me vete një ndjeshmëri të ndryshme dhe një jetë plot pasion dhe fuqi.
