Paris Saint-Germain (PSG) siguroi një fitore të rëndësishme 4-2 kundër Monakos mbrëmjen e së mërkurës, por u përball me një incident të frikshëm kur portieri italian, Gianluigi Donnarumma, u dëmtua rëndë në fytyrë gjatë ndeshjes.
Dëmtimi i Donnarummës ndodhi kur mbrojtësi i Monacos, Wilfried Singo, e goditi portierin e PSG-së me këmbë në fytyrë. Donnarumma u detyrua të largohej nga fusha me fytyrën e gjakosur dhe pak më vonë PSG njoftoi se portieri italian ka pësuar "të çara të shumta" në fytyrë dhe do t'i nënshtrohej ekzaminimeve mjekësore përpara se të kthehej në Paris.
Pavarësisht këtij incidenti, PSG vazhdoi të dominonte në fushë dhe me këtë fitore, arriti në 40 pikë, duke e mbajtur pozitat e para në Ligue 1. Diferenca me rivalët e tyre më të afërt, Olympique Marseille dhe Monaco, është tani 10 pikë, me Olympique Marseille që ka një ndeshje më pak.
Në lidhje me incidentin, Singo nuk mori karton të kuq dhe kjo ka ngritur shumë debate.
