Një aksident i rëndë ka ndodhur pranë mbikalimit të Saukut pasditen e sotme. Sipas raportimeve, një automjet që po lëvizte me shpejtësi në drejtim të TEG-ut ka humbur kontrollin dhe është përplasur me trafikndarësen. Si pasojë e përplasjes së fortë, makina ka kaluar në korsinë e kundërt dhe është përplasur me një automjet tjetër që po lëvizte në kahun e kundërt.
Dëshmitarët okularë tregojnë se forca e përplasjes ka bërë që makina të fluturojë disa metra në ajër përpara se të ndalej. Ende nuk ka informacion të saktë për gjendjen shëndetësore të drejtuesve të mjeteve dhe pasagjerëve.
Policia dhe ekipet e emergjencës ndodhen në vendngjarje për të dhënë ndihmën e parë dhe për të zbardhur rrethanat e aksidentit. Hetimet vijojnë për të përcaktuar shkaqet e plota të ngjarjes.
