Facebook, Instagram, Threads dhe WhatsApp, kanë shfaqur probleme për mijëra përdorues në mbarë botën mbrëmjen e sotme.
Sipas raportimeve në Downdetector, të paktën 150,000 përdorues anembanë botës raportuan probleme në funksionimin e shërbimeve të Meta-s.
Downdetector gjurmon keqfunksionimet e platformave dhe faqeve të ndryshme në internet duke mbledhur raportime nga burime të ndryshme, përfshirë problemet e paraqitura nga vetë përdoruesit.
Megjithatë, mendohet se ndërprerja mund të ketë prekur një numër edhe më të madh përdoruesish, pasi probleme me rrjetet sociale të platformës Meta janë raportuar edhe në Shqipëri.
Shumë njerëz iu drejtuan X-it (ish-Twitter) për të diskutuar rreth rënies së aplikacioneve të Meta-s, ku nuk kanë munguar as memet për situatën e krijuar.
