Komisioni Qendror i Zgjedhjeve (KQZ) ka njoftuar se nga 29 gushti deri më sot – 11 dhjetor – janë bërë mbi 30,000 aplikime për regjistrim të votuesve nga diaspora, prej të cilave 1,990 janë refuzuar.
Shumica e aplikimeve të refuzuara – sipas KQZ’së – janë për shkak se aplikuesit nuk janë fotografuar duke mbajtur njëkohësisht në dorë dokumentin e identifikimit.
Regjistrimi i aplikuesve nga diaspora do të përmbyllet më 26 dhjetor.
Nga ana tjetër, në takimin e sotëm ku KQZ-ja prezantoi raportin mbi ecurinë e zbatimit të planit të aktiviteteve për zgjedhjet parlamentare që do të mbahen më 9 shkurt, u theksua se periudha për ndërrimin e qendrës së votimit brenda komunës do të vazhdojë deri më 26 dhjetor.
U bë e ditur se deri më 11 dhjetor janë pranuar 3,208 kërkesa për ndërrim të qendrës së votimi.
Po ashtu, KQZ-ja ka bërë të ditur se po vazhdon edhe periudha për kundërshtimin e pasaktësive në listën preliminare të votuesve, e cila do të zgjasë deri më 28 dhjetor.
