Një aksident tragjik ka ndodhur mëngjesin e sotëm në bypassin Mbrostar – Levan në vendin e quajtur kryqëzimi i Pojanit.
Nga informacionet e deritanishme bëhet e ditur se një automjet tip “BMW” ka dalë nga rruga, ndërsa dyshohet se shkak është bërë shpejtësia dhe lagështia në rrugë.
Sipas policisë, shoferi i automjetit ka mbetur i plagosur ndërsa pasagjeri është gjendur i pajetë jashtë automjetit. I plagosuri është dërguar në spitalin e Traumës, për të marrë ndihmën mjekësore.
Policia ndodhet në vendngjarje për zbardhjen e plotë të aksidentit.
