Koalicioni VLEN në një kumtesë për media është deklaruar në lidhje me njoftimin e MPB-së, prej ku thanë se e kanë arrestuar personin e dyshuar për djegie të makinës së prokurorit Xhelal Bajrami në Kumanovë. Nga VLEN thonë se “nga opozita po tenton të shfrytëzojë rastet e ndjeshme për pikë të ulëta politike duke krijuar pasiguri dhe frikë te qytetarët”.
“Kujdesi nuk është vetëm fjalë por edhe vepër, e kjo u dëshmua sot kur nga përgjegjësia e lartë e profesionalizmi i pakompromist i organeve të hetuesisë u zbardhë një rast që zbardh shumëçka. Me arrestimin e personit që ka vë zjarrin veturave dhe një lokali në Kumanovë zbardhet e vërteta e shumë pritur për qytetarët e këtij vendi, por edhe të gjithë të tjerëve”.
“Мe Qeverinë e re, si çdo rast tjetër edhe ky rast u hetua në kohë rekorde me çka situata qartësohet edhe më shumë edhe më mirë. I arrestuari është familjar i prokurorit, Xhelal Bajramit, vetura e të cilët poashtu është e djegur. Por, si rezultat i teatrit falso ky i fundit nuk është proncuar askund për të ngritur dyshime në mënyrë që të krijojë terren të pastër për partinë e tij që të mbajnë konferenca për shtyp e të trazojnë qytetarët kinse situata ka dalë prej kontrolli”.
“Opinioni tani do ta ketë edhe më të qartë se nga cilat qendra jepen urdhëratë për prishje të rendit dhe qetësisë. Sepse, është absurd në vete të shfrytëzohen rastet e tilla për të mbjellë frikë deri në palcë te qytetarët. Pasi, sipas parimit të funksionimit të tyre, qytetarët e frikësuar janë më lehtë të manipuluar. E këtë nuk e lejuam ne si VLEN e Qeveri aktuale e as nuk do ta lejojmë asnjë tentim të tillë të ngjashëm në të ardhmen”, thonë nga VLEN.
Ata gjithashtu i bëjnë thirrje BDI-së të luaj rol konstruktiv në opozitë.
“Ka kaluar koha kur shqiptarët keqtrajtoheshin dhe dënoheshin pa asnjë faj. Shqiptarët me VLEN-in në qeveri janë të sigurt dhe të mbrojtur”, thonë nga VLEN.
