Federata e Futbollit në Angli ka vendosur që shiritat e kapitenëve në ndeshjet që ajo organizon të jenë me ngjyrat e ylberit, për të treguar mbështetje për komunitetit LGBTQ+.
Ndërkohë që shumica e kapitenëve e mbështetën këtë iniciativë, dy prej tyre shkaktuan diskutime. Sam Morsy, kapiteni i "Ipswich Town", refuzoi ta mbante shiritin me ngjyrat e ylberit për arsye fetare. Morsy, i cili është mysliman, i vetmi nga 20 kapitenët që nuk pranoi ta mbante shiritin.
Klubi "Ipswich Town" e mbështeti vendimin e Morsy, duke theksuar përkushtimin e tij për të qenë një klub plotësisht përfshirës dhe mbështetje për komunitetin LGBTQ+. Përmes një deklarate, "Ipswich Town" nënvizoi se klubi e respekton vendimin e kapitenit të tij, por gjithashtu mbështet fushatën e "Rainbow Laces" dhe promovimin e barazisë dhe pranimit.
Nga ana tjetër, Marc Guehi, kapiteni i "Crystal Palace" dhe i krishterë i devotsh1ëm, e mbajti shiritin e ylberit, por shkroi frazën "Unë e dua Jezusin" mbi të, një veprim që mund të sjellë sanksione për të. Sipas rregullave të Federatës Angleze të Futbollit (FA), është e lejuar të mbahen shiritat si ai me ngjyrat e ylberit, por ndalohen sloganet ose deklaratat fetare, politike ose personale.
