Një përplasje e dhunshme me sende të forta mes disa personave është shënuar këtë pasdite në Tiranë, duke lënë të plagosur tre prej tyre.
Sipas njoftimit të policisë, konflikti ka përfshirë qytetarët me inicialet Sh. H. dhe K. H., në përleshje me qytetarët me iniciale F. C., G. Z., dhe S. Z. Ngjarja ka ndodhur rreth orës 16:50, në rrugën “Thoma Koxhaj”.
Për pasojë, F. C., G. Z., dhe S. Z. janë plagosur dhe ndodhen në spital nën kujdesin e mjekëve, ndërsa Sh. H. dhe K. H. janë shoqëruar nga policia për procedura të mëtejshme.
Grupi hetimor vijon punën për të zbardhur rrethanat e konfliktit.
