Presidenti ukrainas Volodymyr Zelensky ka deklaruar se është i gatshëm të lëshojë territor Rusisë në këmbim të mbrojtjes nga NATO, me qëllim përfundimin e luftës.
“Nëse duam të ndalojmë fazën më të ashpër të luftës, duhet që territori i Ukrainës që kontrollojmë të vendoset nën mbrojtjen e NATO-s,” tha Zelensky në një intervistë për Sky News të premten.
Ai shtoi se pjesa tjetër e territorit ukrainas mund të rikthehet më vonë nëpërmjet diplomacisë.
Kjo deklaratë përbën një ndryshim të madh nga qëndrimi i tij i mëparshëm, ku kishte premtuar se do të luftonte deri në rikthimin e të gjitha territoreve të Ukrainës, përfshirë Krimenë.
