Hetimi i vrasjes së 27-vjeçarit Klaudio Prendi do të kalojë në kompetencën e Prokurorisë së Posaçme (SPAK). Sipas raportimeve, SPAK do të marrë në shqyrtim dosjen që lidhet me ekzekutimin e tij në një atentat të ndodhur më 19 nëntor, në kryqëzimin e zonës së Xhamllikut në Tiranë.
Klaudio Prendi u vra me armë me silenciator ndërsa sapo kishte hipur në makinën e tij, pas daljes nga një lokal. Automjeti i autorëve u pozicionua paralelisht me makinën e viktimës dhe nga aty u qëllua disa herë.
Pas ngjarjes, autorët u larguan nga vendi i krimit drejt zonës së Xhamllikut, vijuan në Unazën e Madhe dhe më pas në Farkë, ku dogjën automjetin e tyre së bashku me armën e përdorur. Dyshohet se autorët janë pjesë e një grupi të strukturuar kriminal.
