Një 35-vjeçar shqiptar është shpallur në kërkim nga policia e Athinës pas shkeljes së lejes së burgut.
Shqiptari kishte marrë një leje të përkohshme prej 6 ditësh nga burgu i Agios Stefanos, por nuk është kthyer më brenda afatit të parashikuar, duke shkelur kështu rregullat e lejes.
Ai është arrestuar në vitin 2019 pas një vendimi të Gjykatës Pesëanëtarëshe të Apelit të Janinës, ku u dënua me 15 vjet e 6 muaj burg dhe një gjobë prej 50 mijë eurosh për trafik droge.
Pas skadimit të lejes, ai është shpallur në kërkim dhe aktualisht po kërkohet intensivisht nga autoritetet greke.
