Kanë kaluar pesë vite nga tërmeti i nëntorit 2019, por një pallat në Kavajë mbetet i dëmtuar dhe pa ndërhyrje riparuese, duke rrezikuar jetën e banorëve. Kjo situatë ka krijuar një shqetësim të madh tek familjet që jetojnë aty, sidomos për sigurinë e fëmijëve që luajnë çdo ditë pranë strukturës së dëmtuar.
Banorët theksojnë se situata bëhet edhe më e rrezikshme për shkak të tensionit të lartë të energjisë elektrike në zonën përreth pallatit. Ata kanë ngritur shqetësimet e tyre pranë Bashkisë së Kavajës, por deri më tani nuk ka pasur asnjë ndërhyrje konkrete nga autoritetet.
Banorët apelojnë për ndërhyrje të menjëhershme nga Bashkia e Kavajës dhe institucionet përgjegjëse për të shmangur një tragjedi të mundshme. Për ta, zgjidhja e kësaj situate është jetike, jo vetëm për sigurinë e tyre, por edhe për garantimin e të drejtës së tyre për të jetuar në kushte të sigurta dhe dinjitoze.
"Pershendetje JOQ jam nga kavaja dhe kan kaluar 5 vite nga termeti i nentorit dhe pallati yne eshte ne kete gjendje jemi shum te shqetesuar se asnje nuk po ve dore ne kete pallat femijet tane luaje cdo dite poshte pallatit dhe tencioni i larte eshte ne gjendje te mjerushme. Te gjithe pallatet e tjera jane riparuar vetem ky i joni jo. Bashkia Kavaje nuk po ben asgje."
