Një 31-vjeçar nga Elbasani është arrestuar pas dyshimeve për ushtrim dhune ndaj babait të tij dhe për marrjen e një shume parash prej tij.
Sipas njoftimit zyrtar, Komisariati i Policisë Elbasan ka ndaluar shtetasin R. K., banues në këtë qytet. Policia bën me dije se 31-vjeçari akuzohet për dhunë në familje dhe për vjedhje ndaj prindit të tij, veprime të cilat kanë çuar në ndërhyrjen e organeve të rendit.
"Komisariati i Policisë Elbasan ndaloi me iniciativë shtetasin R. K., 31 vjeç, banues në Elbasan, pasi ka ushtruar dhunë ndaj babait të tij dhe i ka marrë atij një shumë parash," njoftoi policia.
Materialet në lidhje me këtë rast i janë referuar Prokurorisë së Rrethit Gjyqësor Elbasan për hetime të mëtejshme.
