Elton Dema, një 41-vjeçar me origjinë shqiptare dhe banues në Azzano San Paolo, ka humbur jetën pas një aksidenti në punë.
Sipas mediave italiane, aksidenti ndodhi mëngjesin e 18 nëntorit, ndërsa Dema ndërroi jetë në spital mbrëmjen e 20 nëntorit.
Ai u transportua në spitalin "San Gerardo" në Monza në gjendje shumë të rëndë pas aksidentit.
Raportohet se 41-vjeçari u shtyp nga një pirun gjatë punës dhe, pavarësisht ndërhyrjes mjekësore, ndërroi jetë dy ditë më vonë.
